Օտարերկրյա ուսանողները Հայաստանում ըստ երկրների 2025 թվականին

Հայաստանի բուհերում սովորում են նաև օտարերկրյա քաղաքացիներ։ Գծապատկերում ներկայացված են այն տասը երկրները, որոնցից ամենաշատ ուսանողներ են սովորում պետական և ոչ պետական բուհերի բակալավրի ծրագրերով՝ 2025 թվականի տվյալներով։

Առաջին տեղում Ռուսաստանն է՝ 2 604 ուսանողով։ Հաջորդում են Հնդկաստանը (1 669) և Վրաստանը (834)։ Շրի Լանկայից սովորում է 310, Հորդանանից՝ 224, Իրանից՝ 221 ուսանող։

Ցանկի վերջին չորս երկրներից ուսանողների թիվն ավելի փոքր է՝ Սիրիայից՝ 123, Լիբանանից՝ 62, Իրաքից և Ուկրաինայից՝ 53-ական։ Մագիստրոսի ուսանողներն ըստ երկրների չեն հրապարակվում, ուստի նրանք այստեղ ներառված չեն։